Deputeti Labinot Tahiri, i ftuar në emisionin ‘Dite Mbas Dite’ në Televizionin Rrokum ka thënë se ai do ta përfundojë mandatin si deputet.
Madje ai ka thënë se rrogën qe e merr si deputet e ndanë për familjet të cilat kanë nevojë.
Tahiri ka folur për aktualitetin politik në vend, për të cilin ka thënë se është punuar mjaft por ende duhet punë në të ardhmen.
Ai ka thënë se nuk heq dorë nga pozita e deputetit, por nëse heq dorë ka me mbet deputet i pavarur.
Derisa për mundësinë e përjashtimit të AKR-së nga Qeveria, Tahiri ka thënë se nuk e beson ngase e njeh Ramush Haradinajn që është njeri i fjalës dhe se AKR me Presidentin Pacollin ka qenë akteri kryesor për formimin e Qeverisë.