Këngëtari i njohur Labinot Tahiri, përmes një paraqitjeje live në rrjetin social Facebook, duke iu përgjigjur disa prej pyetjeve të parashtruara nga publiku, shpalosi disa detaje që të cilat iu referoheshin jetës në mërgim, përcjellë Klan Kosova.
Sipas Labit, jeta në mërgim është çështje që në një kohë ka qenë tejet e nevojshme, megjithatë arsyeja që vet këngëtari vendosi të bëjë jetën në Kosovë, kanë qenë fjalët e babait të tij.
‘’Ne u kthyem në vitin 2000 në Kosovë, kjo përshkak se babai im më tha disa fjalë të cilat më bënë edhe sot të mos pendohem që jetoj në vendin tim’’.
Labi tha se babai i tij e rekomandoj atë të kthehej në Kosovë ngase pas një periudhe të vështirë në vend, do të fillonte një jetë tjetër.
‘’Babai im më shtyu dhe është ai që më bëri ky ai që jam sot. Më tha kthehu në vendin tënd se tashmë në Kosovë fillon një jetë e re. Duhet të punosh për atdheun tënd jo të punosh për të tjerët’’, tha Labi përmes Facebook, njofton Klan Kosova.