Ferizaj.31.01.2018 . Rektori i Universitetit të Shkencave të Aplikuara në Ferizaj (UShAF), Prof. Dr. Agron Bajraktari, ka pritur sot në takim kryetarin e Komunës së Shtimes, Naim Ismaili, i cili është edhe kryetar i Asociacionit të Komunave të Kosovës.
Rektori Bajraktari shprehu mirënjohje për vizitën e kryetarit Ismaili dhe e informoi atë për veprimtarinë e UShAF që nga themelimi si institucion i arsimit të lartë e deri më tani, sfidat dhe të arriturat gjatë viteve si Universitet, kushtet dhe programet e studimit që ofron, si dhe interesimin e madh të të rinjëve të Kosovës dhe më gjerë për të studiuar në këto programe.
Po ashtu, rektori e informoi kryetarin për bashkëpunimin ndërkombëtar dhe bashkëpunimin me kompanitë vendore, si dhe ndihmën që i bëjnë këto kompani Universitetit përmes Bordit Industrial në zhvillimin e planprogrameve.
Ndërsa, kryetari Ismaili u nda i kënaqur me të arriturat dhe zhvillimin e UShAF dhe premtoj mbështetje për Universitetin nga ana e Asociacionit të Komunave të Kosovës.