Kryetari i Gjykatës Themelore në Ferizaj Bashkim Hyseni, sot priti në vizitë Kryesuesin e Këshillit Gjyqësor të Republikës së Kosovës z. Nehat Idrizi.
Kryetari Hyseni me këtë rast e njoftoi z.Idrizi për punën, rezultatet dhe sfidat të cilat e kanë përcjell Gjykatën Themelore në Ferizaj gjatë vitit 2017, si dhe planin dhe programin e punës së gjykatës për vitin 2018, i cili ka për qëllim ngritjen e efikasitetit, shkurtimin e kohëzgjatjes së procedurave gjyqësore, avancimin e cilësisë së shërbimeve gjyqësore dhe vendimeve.