Sporti lokal, sivjet shënoi arritje të shumta kulminante duke sjellë shumë kupa në qytetin tonë. Kështu edhe ditë më parë, Klubi i Volejbollit “Ferizaj”, për herë të parë, u shpall Kampion i Kosovës në Volejboll. E për t’i uruar kampionët, në zyrën e tij i priti sot, Kryetari i Ferizajt, Agim Aliu, shoqëruar edhe nga drejtorja e Sportit, Xhemile Murati Shabani dhe drejtori komunal, Arbër Bytyqi.
Falënderues për mbështetjen u shprehën edhe drejtuesit e përfaqësuesit e KV “Ferizaj”, përkatësisht kryetari i Klubit, Valon Xhafaj, kryetrajneri Arlind Ibrahimi dhe kapiteni i Klubit, Butrint Bytyqi. Ata thanë se përpjekjet e tyre nuk do të rreshtin të lartësojnë ngjyrat e sportit ferizajas jo vetëm në arenën kombëtare por edhe jashtë saj.
Në anën tjetër, i pari i Ferizajt, Agim Aliu tha se ky klub shkroi historinë, që për herë të parë në historinë e klubit, mori Kupën e Kosovës në Volejboll. Ai shtoi se mbështetja për këtë klub e klube të tjera të suksesshme nga institucionet lokale do të vazhdoj.