Mesazhi i plotë:
Të dashur bashkëqytetarë,
Gëzuar Krishtlindjet!
Kam kënaqësinë e veçantë që me rastin e Festës së Krishtlindjes, të shpreh urimet e mia më të mira e të përzemërta për ju, besimtarë të krishterë kudo që jetoni dhe punoni.
Kjo festë është kremta e shenjtë për një jetë më të ndritur e më të begatë, paqe e dashuri mes njëri tjetrit, solidaritetit e shpresës, durimit dhe zemërgjerësisë.
Kjo festë ka kuptim të veçantë edhe për qytetarët ferizajas të cilët ruajtën dhe kultivuan ndër vite tolerancën, bashkëjetesën dhe respektin e ndërsjellë në mes besimeve, një jehonë dashamire kjo nga qyteti simbol i tolerancës ndërfetare.
Uroj që shëndeti, dashuria, paqja e durimi të ju shoqëroj ju dhe familjet tuaja!
Gëzuar!
Sinqerisht, Agim Aliu Kryetar i Komunës së Ferizajt