Lajme

Kryeministri me “batalion” nëpër komuna

By FerizajPress

April 17, 2016

Ka vizituar shumicën e komunave të vendit, madje edhe shumë institucione lokale. Në veriun e vendit nuk ka qenë, por ka paralajmëruar se këtë gjë do ta bëjë në muajin maj.

Por, edhe pse jeton e vepron në Prishtinë, ai ende nuk e ka vizituar as këtë komunë, që ka udhëhequr përgjatë kohë vet.

Në fakt, kryeministri i vendit Isa Mustafa, vizitat i filloi një ditë para një proteste të paralajmëruar nga tri partitë opozitare, protestë kjo që u shtye e që nuk u mbajt më.

Paraditen e 25 marsit, kryeministri ishte në Vushtrri e Obiliq, ku vizitoi kryetarët e këtyre komunave, disa kompania por edhe Korporatën Energjetike të Kosovës.

Nga Vushtrria Mustafa, garantoi kreun e kësaj komune se nuk do të krijohet komuna e Prilluzhës, kërkesë kjo e komunitetit serb.

I pari i ekzekutivit fjalët rreth krijimit të komunës së Prilluzhës i ka quajtur tendencë për destabilizimin e vendit.