Distria Krasniqi e ka fituar medaljen e artë në Masters të Kinës
Xhudistja nga Kosova shkëlqeu me paraqitjet e saj në Mastersin e Kinës dhe me plot meritë në fund u kurorëzua me medaljen e artë.
Distria në finale e mposhti mongolezen Narantsetseg Ganbaatar.
‘Disi’ e fitoi këtë përballje vetëm pas minutave shtesë, ku e mposhti mongolezen me wazaari.
Kështu Distria Krasniqi po e mbyll këtë vit me medalje të artë si dhe me 1800 pikë të fituara për normën Olimpike Tokio 2020.