Ministri i Jashtëm Enver Hoxhaj përmes llogarisë së tij në Facebook njofton se Suriname e njeh pavarësinë e Kosovës.
“Një lajm i jashtëzakonshëm. Suriname është shteti më i ri që e njeh Kosovën. Faleminderit Presidentit Dési Bouterse, të cilin pata kënaqësi ta takoj javën që shkoi në Gajana dhe Qeverisë të këtij vendi”, ka shkruar Hoxhaj në profilin e tij në Facebook.
Suriname ndodhet në Amerikën Jugore dhe ka 539 mijë banorë.
Ky është vendi i 112-të që njeh Republikën e Kosovës që nga 17 shkurti i viti 2008, kur Kosova shpalli pavarësinë.