Të përzgjedhurit e trajnerit Rafet Prekazi, të enjten në mëngjes do të mësojnë shortin për kualifikimet e Kampionatit Evropian 2019, që mbahet në Itali.
Kosova ndodhet në vazon e gjashtë ose F, në të cilën ndodhen edhe Malta, Luksemburgu, Irlanda Veriore, Ishujt Faroe, San Marino, Andorra, Lihtenshtajni dhe Gjibraltari, shkruan “GazetaOlle.com”.
Kombëtarja shqiptare ndodhet në vazon e katërt, dhe njëherit mund të kemi një tjetër përballje Kosovë – Shqipëri në grup.
Kosova edhe në këtë short, sipas rregullave të UEFA-s, nuk mund të takohet me Serbinë, që ndodhet në vazon e parë dhe Bosnjën e Hercegovinën. Në vazon e parë dhe njëherit kundërshtarë të mundshëm të Kosovës janë: Gjermania, Portugalia, Anglia, Spanja, Danimarka, Dranca, Suedia dhe Republika e Çekisë.
Garat për U-21 nisin nga 20 marsi i këtij viti.