Sot në pikën e kalimit të kufirit në Vërmicë, nga dy drejtorët e përgjithshëm të policisë, atij të Kosovës, Shpend Maxhuni, dhe të Shqipërisë, Haki Çako, u nënshkruan Procedurat e përbashkëta të kontrollit kufitar, në PKK Vërmicë-Morinë, në territoret respektive.
Këto procedura janë bërë me qëllim që të thjeshtësojnë dhe të shpejtojnë kalimin e kufirit duke zbatuar kontrollin e plotë kufitar hyrje-dalje nga secila palë, duke vendosur kabinat e përbashkëta, në dalje për palën e Kosovës në PKK Morinë, dhe për palën e Shqipërisë në Vërmicë.
Gjatë kalimit të kufirit do të zbatohet parimi i kontrollit kufitar në ndalje, dy kontrolle. Kjo procedurë, pra lehtëson dhe shpejton kalimin e kufirit, por në të njëjtën kohë garanton siguri në kontrollin kufitar dhe zbaton standardet e kontrollit kufitar.