Dega e LDK-së në Ferizaj përmes një komunikate i ka dhënë mbështetje të plotë Qeverisë së Kosovës dhe Kuvendit të Kosovës për miratimin e marrëveshjes për shënimin e vijës kufitare të Kosovës me Malin e Zi.
Komunikatë e Degës së LDK-së në Ferizaj
Dega e Lidhjes Demokratike të Kosovës në Ferizaj, në mbledhje të ndara me kryesinë e degës dhe me kryetarët e degëve, vendosi sot t’i ofrojë mbështetje të plotë Qeverisë së Kosovës dhe Kuvendit të Kosovës për miratimin e marrëveshjes për shënimin e vijës kufitare të Kosovës me Malin e Zi. Dega e LDK-së në Ferizaj konsideron se miratimi i kësaj marrëveshjeje nuk e cënon tërësinë territoriale të Republikës së Kosovës, prandaj kundërshtimii saj po bëhet për të përfituar pikë politike dhe për interesa të ngushta grupore e individuale. Dega e LDK-së e Ferizajt inkurajon deputetët e kësaj komune në Kuvendin e Kosovës që të votojnë për miratimin e marrëveshjes për demarkacionin e kufirit me Malin e Zi, sepse një veprim i tillë do të jetë në të mirë të agjendave zhvillimore të Kosovës, në të mirë të rrugëtimit të saj integrues europerëndimor dhe në të mirë të fqinjësisë bashkëpunuese e qëndrueshmërisë rajonale.