Është asfaltuar rruga në Lagjen Pallosh, investim i Komunës së Kaçanikut.
Për të përcjellë nga afër punimet, vend punishten e ka vizituar nënkryetari i Komunës së Kaçanikut Remzi Elezi i cili e vlerësoi si shumë të rëndësishëm projektin e asfaltimit të rrugës në këtë lagje, duke shtuar se përmes këtij projekti do të lehtësohet edhe jetesa e banorëve të kësaj ane.
Nënkryetari Elezi tha se përmes ndërtimit të infrastrukturës rrugore po rregullohet edhe mirëqenia e qytetarëve të Komunës së Kaçanikut.
Sipas menaxherit Rufat Muqa, projekti “ asfaltimi i rrugës në lagjen Pallosh” ka kushtuar 24 mijë e 600 euro, projekt i financuar nga Komuna e Kaçanikut, ndërsa gjatësia e rrugës së asfaltuar është 500 metra, gjerësia 3 metra kurse trashësia e asfaltit është 7 cm.