Klubi Rotary Ferizaj vazhdon traditën: Sivjet ndan 33 bursa për studentë të komunës së Ferizajt (3 më shumë se vitin e kaluar).
“Nëse gjer në fund të afatit të konkursit gjendet edhe ndonjë donator, ky numër edhe mund të rritet … Edhe një sqarim: Këto bursa nuk vijnë nga para të fondeve të huaja, të gjitha janë zotuar nga bizneset e komunës së Ferizajt, bashkëqytetarët me qëndrim në diasporë dhe nga vet anëtarët e Klubit Rotary Ferizaj. Të gjithë donatorët meritojnë së paku një falënderim të sinqertë për këtë kontribut vullnetar shumë domethënës për shkollimin e gjeneratave të reja” thuhet në njoftimin e Klubit Rotary në Ferizaj.