Albulena Haxhiu deputetja e Lëvizjes Vetëvendosje, ka lajmëruar se KGJK ka konfirmuar shqetësimin e saj të ngritur për shkeljen kushtetuese nga ana e anëtarit të KGJK-së, që njëherish është edhe kandidat për deputet për zgjedhjet e Serbisë, në listën e Vuçiqit.
“Sot, nga Këshilli Gjyqësor jam njoftuar se bëhet fjalë për të njëjtin person sepse e ka pranuar edhe personi në fjalë, poashtu Këshilli Gjyqësor i Kosovës me anë të shkresës më ka njoftuar se do të nis procedurat për shkarkimin e tij!” ka thënë Haxhiu në postimin e saj në facebook.
Ajo ka thënë se nuk bëhet fjalë vetëm për rrespektim e Kushtetutës dhe ligjit por edhe për ndërprerje të ndikimit të Serbisë në institucionet që konsiderohen të pavarura, ndikim të cilin ajo e ka quajtur abuzim.