Brenda një viti mjaft ndryshime pozitive e kënaqshmëri tek qytetarët.
Drejtori i Drejtorisë së Shëndetësisë dhe Mirëqenies Sociale në Ferizaj, Burim Karameta përmes konferencës së sotme për gazetarë ka thënë se shëndetësia ferziajase është në vlugun e realizimit të shumë projekteve të rëndësishme që kanë të bëjnë me këtë sektor.
“Në shëndetësi kemi ngritur aktivitete e njësisë së edukimit dhe promovimit shëndetësor, ku kemi bërë vizita sistematike nëpër shkolla, por edhe në çerdhet e fëmijëve duke pasur një pasqyre momentale të shëndetit të fëmijëve. Po ashtu kemi bërë edhe trajnimin dhe edukimin e gjithë stafit për të përfituar dhe ngritur nivelin profesional”, ka thënë drejtori Karameta, përderisa ka shtuar se njëri ndër objektivat kryesore ka qenë edhe sistemi informativ.
Në kuadër të DSHM-së tashmë është duke funksionuar edhe inspekcioni sanitar ku gjatë kësaj kohe synim kanë pasur kontrollimin e të gjitha subjekteve afariste që kanë produkte ushqimore.
“Target i dytë ka qene edhe inspektimi i inspektimi i furrave të bukës, duke u kujdesur për kualitetin e bukës dhe mund të themi se muajt e fundit, kanë qenë rreth 300 kontrolla ku kemi bërë edhe gjashtë fletëparaqitje me dënime të cilat nuk i kanë plotësuar kushtet në bazë”, ka thënë drejtori Karameta.
U bë e ditur se Drejtoria e Shëndetësisë dhe Mirëqenies Sociale vazhdimisht është duke ju dal në ndihmë edhe familjeve me gjendje të rëndë sociale.