Në lagjen “Toska” në fshatin Komogllavë të Ferizajt një punëtori mobiljesh dhe një shtëpi janë kapluar nga zjarri.
Lajmin e ka konfirmuar zëdhënësi i Policisë për rajonin e Ferizajt, Kanun Veseli.
Ai tha se përpos dëmeve materiale që konsiderohen të mëdha viktima në njerëz nuk ka.Veseli njoftoi se zjarrfikësit dhe Policia kanë dalë në vendin e ngjarjes.
“Ju njoftojmë se më datën 11.02.2025, rreth orës 21:50, jemi njoftuar se në fshatin Komogllavë, përkatësisht në rrugën “9 Prilli”, është duke u djegur një mobilieri. Patrulla jonë menjëherë ka vazhduar drejt këtij lokacioni dhe njofton se dëmet e shkaktuara nga zjarri ende nuk dihen. Po ashtu, në vendngjarje kanë dalë edhe njësia e zjarrfikësve. Në vend të ngjarjes janë edhe hetimet e stacionit. Për informata shtesë, ju njoftojmë me raport të vazhdueshëm”, tha Veseli.