Paulo Dybala mund të jetë rezervist te Juventus për ndeshjen ndaj Lazios në Serie A. Trajneri i “Bianconerëve”, Massimiliano Allegri ka bërë të ditur se sulmuesi argjentinas ende nuk është titullar i sigurt për duelin e xhiros së dytë, të shtunën në Allianz Stadium. “Nuk e di ende nëse Dybala do të luajë nga fillimi”, deklaroi Allegri, përcjell “lajmi.net”. “Do të vendosi pas stërvitjes sot por njësoj si ndaj Chievos edhe nesër ndonjë rezervist mund të luajë rol vendimtar në rezultatin final”, u shpreh ai. /Lajmi.net/