Ferizaj.26.05.2016. Kryetarja e Gruas Demokratike të PDK-së Justina Shiroka – Pula e shoqëruar nga anëtari i kryesisë së PDK-së Elmi Reçica, anëtaret e kryesisë së Gruas Demokratike Blerta Deliu-Kodra dhe Mexhide Mjaku-Topalli, kryetari i degës së PDK-së në Ferizaj, Agim Aliu, sot vizituan Bashkësinë Islame në Ferizaj. Delegacioni i PDK-së ka uruar Bujar Hasanin për zgjedhjen në pozitën e kryetarit të Bashkësisë Islame në Ferizaj.
Në takim u diskutua për përkrahjen e projekteve të ndryshme për të rinjtë, të cilat kanë si synim nxitjen e tolerancës fetare, duke e pasur parasysh numrin e madh të të rinjve në Ferizaj.
Gjithashtu në këtë takim u theksua se Ferizaj njihet si një qytet me një popullatë të civilizuar dhe si rrjedhim i kësaj edhe një vend me tolerancë fetare.