KV Kastrioti është shpallur kampion i Kosovës, në konkurrencën e femrave në U18.
Skuadra ferizajase ka patur një sezon të jashtëzakonshëm në edicionin 2016/17, duke e kurorëzuar me titullin e kampionit.
Në ndeshjen e fundit, Kastrioti mposhti rivalin lokal KVF Ferizajn, 2:0 në sete 25:13 dhe 25:14. Në një konkurrencë të ngushtë me dy skuadrat tjera, KV Skenderaj dhe KV Drita, që e kanë përcjellur vazhdimisht, “kastriotaset” kanë shkëlqyer duke e marrë titullin e kampionit të Kosovës. Në fund, në ceremoninë e ndarjes së medaljeve dhe pranimit të titullit, kupën e kampionit, kapitenes Rinesa Hasani (anëtare e kombëtares U18), ia dorëzoi presidenti i FVK-së Abedin Ibrahimi.
Ndërsa medaljet i kanë ndarë, përzgjedhësja e U16 Afërdita Sadiku dhe trajneri i U18, Valon Nikqi. Me këtë rast është vlerësuar niveli i garave në këtë grupmoshë, e cila llogaritet brezi i ardhshëm i përfaqësimit të Kosovës.