Sot janë izoluar në rreth 40 kosovarë të kthyer nga Turqia, në Qendrën e Studentëve e cila është shpallur si vend-karantimi, pas situatës së krijuar nga pandemia e koronavirusit, njofton Klan Kosova.
Isak Beha, drejtor i Strehimit në Qendrën studentore ka thënë për Klan Kosova se të ardhurit janë vendosur në konviktin numër 8.
“Dy autobusë të FSK-së i kanë sjellë sot rreth 40 qytetarë të cilët kanë ardhur nga Stambolli. Kanë ardhë dy autobusë nën përkujdesjen e FSK-së në këtë konvikt”.
“Me kërkesë të Ministrisë së Shëndetësisë kemi bërë dezinfektimin në Qendrën e Studentëve dhe po japim kontributin në kuadër të situatës që ekziston si shkak i pandemisë”.
“Angazhimi dhe përcjellja nga ana e policisë dhe FKS-së ka qenë në mënyrën më të mirë. Por ka pasë disa individë të cilët në një mënyrë kanë rezistuar”.