Shteti Islamik, ka kërcënuar se do të kryejë më shumë sulme terroriste në Europë pasi përfundoi me festimet për sulmet e fundit në Bruksel me 22 mars. Këtë e ka bërë të ditur vetë ISIS-i në revistën e vet propaganduese Dabiq.
Grupi terrorist e ka prezantuar masakrën e Brukselit si një operacion të planifikuar mirë, mirëpo hetuesit e kryeqytetit belg kanë thënë se Brukseli ishte targetuar vetëm pasi policia franceze kishte bllokuar celula të ISIS-it që po planifikonin më shumë sulme në Francë.
Njëri nga të dyshuarit për planifikimin e këtyre sulmeve terroriste, Mohamed Abrini, tanimë është arrestuar pasi ishte parë në kamera duke i hedhur eksplozivët në një kontejner.
ISIS-i është përbetuar se do t’i luftojë të gjithë derisa myslimanët të jetojnë nën ligjin e Sheriatit.
“Parisi ishte vërejtje. Brukseli rikujtim. Ajo që pritet të vijë, do të jetë edhe më shkatërruese e do të sjellë edhe më shumë vuajtje në emër të Allahut. Ushtarët e Shtetit Islamik, premtojnë se kundërshtarët e tyre do të shohin ditët e errëta të vdekjes dhe shkatërrimin e vendeve të tyre”, thuhet në mesazhin e ri të ISIS-it, shkruan The Independent.