Ish shefi i prokurimit në Ferizaj, Fehmi Reka, në prani të kryetarit të degës , Xhavit Zariqi, ka aderuar në AAk.
Këtë e ka bërë të ditur dega e AAK-së në Ferizaj përmes një komunikate për medie.
Ky është njoftimi i plotë i degës së AAK-së në Ferizaj.
Fushata parazgjedhore ka përforcuar radhët e partisë tonë me ardhjen e aderimit të Fehmi Rekës nga Partia Demokratike e Kosovës. Me përvojë shumëvjeçare në administratën komunale dhe ekonomist me profesion, z. Reka do t’i japë më shumë frymë fitores së 14 shkurtit.
Në anën tjetër, kandidatja për deputete Rrezofat Azemi është prurja më e re, që shija dhe dija për artin që ka, i ka dhënë më shumë diversitet demokracisë së brendshme partisë tonë. Aleanca në Ferizaj me znjsh. Azemi dhe z. Reka gjithashtu edhe me ardhjen e të rejave dhe të rinjve janë mesazhi më i mirë i asaj se çfarë do të shohë populli kosovar më 14 shkurt – fitoren e pashmangshme.