“Përfaqësuesit politik serbë të Kosovës dënojnë ashpër instrumentalizmin e KFOR-it I cili sot ka luajtur një rol politik me rastin e Isa Mustafës i cili pa paralajmërim qëndroi në veri dhe për këtë ndërpritet komunikimi dhe bashkëpunimi me KFOR-in, thuhet në deklaratën nga kabineti i Rakiqit, transmeton Tanjug.
Sipas tyre, KFOR-i me këtë veprim ka tejkaluar vijën e hollë që e ndan nga okupatori, sepse sipas tyre, në vend që të shërbejë stabilitetit në vend sot ka qenë faktor destabiliteti, transmeton lajmi.net.
“Duke lënë anash politikën, KFOR-i e ka rrënuar kredibilitetin e tij te populli serb në veri”, thuhet në njoftim.
Sipas tyre, popullit në veri të Kosovës nuk mundet askush që me armë t’ia imponojë realitetin politik. /Lajmi.net/
.