Policia bën me dije se ka konstatuar se në dalje të Himarës pranë vendit të quajtur “Qeparo” (në drejtim të Borshit) pranë një shkëmbi, është gjetur një trup i pajetë, i cili i përket Lorenc Dhimucit, rreth 40 vjeç, banues në Himarë.
Policia sqaroi se shtetasi i mësipërm vuante nga sëmundje mendore. Dyshohet se ai është vetë hedhur nga shkëmbi, pasi nga ekspertiza paraprake rezulton se dëmtimet e marra në trup janë shkaktuar nga hedhja nga shkëmbi.
Grupi hetimor ndodhet në vendngjarje dhe po punon për sqarimin e rrethanave të ngjarjes.
.