Policia ka bërë të ditur për arrestimin e një personi i cili ia kishte marrë personit tjetër një lopë dhe një viç duke mos ia dhënë paratë. Rasti ka ndodhur në fshatin Koshare të Ferizajt, të cilin policia e ka cilësuar si mashtrim.
“Është arrestuar i dyshuari mashkull K/Shqiptar, pasi që i njëjti me datën e cekur kishte mashtruar viktimën mashkull K/Shqiptar, duke ia marrë një lopë dhe një viç dhe nuk ia ka dhënë paratë”, thuhet në njoftim.
Me vendim të prokurorit i dyshuari është dërguar në mbajtje.