Në Ferizaj të mërkurën u bë hapja solemne e Hidroponisë.
Shkolla e Mesme “Zenel Hajdini” në këtë qytet, promovoi sistemin më të ri të kultivimit të perimeve pa praninë e dheut.
Krejt procesi i rritjes së bimëve bëhet në gypa me ujë, si e para metodë e tillë në Kosovë.
Investimi rreth 10 mijë euro u financua nga Drejtoria e Bujqësisë, që pret zgjerimin e tij edhe te agronomët ferizajas, njofton Klan Kosova.
Si diçka inovative, hidroponia po shihet me potencial të madh të zhvillimit.
Ky projekt u zhvillua nga nxënësit e drejtimit të Hortikulturës, në kuadër të punës praktike.