Kryetari i Gjilanit, Lutfi Haziri në përvjetorin e 15-të të vrasjes së kryetarit të parë të Komunës së Klinës, Ismet Rraci, ka thënë se ai u vra tinëzisht, dhe se ka ardhë koha e fundit që drejtësia të thotë fjalën e vet.
“Ismet Rracin e vranë në mënyrë tinëzare sepse po iu shërbente qytetarëve të Klinës në përpjekje për t’ua bërë jetën dinjitoze”, shkruan Haziri në Facebook.
Ai thiotë se kolegu dhe miku i tij Rraci do të mbahet në mend për sa të jetë jeta për guximin intelektual e qytetar në shërbim të atdheut.
“Koha e fundit që drejtësia ta thotë fjalën e vet në mënyrë që eshtrat e Ismetit të pushojnë të qetë. Lavdi e përjetshme veprës së tij!”, ka shkruar në fund.