Ish-ministri i Tregtisë dhe Industrisë, Bajram Hasani ka reaguar lidhur me inicimin e padisë nga kjo ministri ndaj tij, për shkak të borxhit që kishte marrë sa ishte në krye të këtij institucioni.
Ai në një postim në Facebook ka shkruar se Nisma Socialdemokrate ka nisur fushatë të egër ndaj tij si shenjë hakmarrje për largimin nga kjo parti.
“Duke i shfrytëzuar institucionet shtetërore ata po provojnë të më akuzojnë se kinse si kam arsyetuar 2 mijë e 300 euro. E para të gjitha faturat për këto mjete janë fshehur qëllimshëm. Për këtë i kam dëshmitë të gjitha faturat dhe pagesat janë bërë përmes kartelës bankare”.