Kryeministri i vendit, Ramush Haradinaj, ka përkujtuar dëshmorin e parë të Zonës Operative të Nerodimes, Nazmi Ukësmajlin.
Në 21-vjetorin e rënies se Nazmi Ukësmajlit, Haradinaj ka thënë se kujtimi për dëshmorët që sakrifikuan për ditët që po i jetojmë së bashku është motivim për punë e angazhim në zhvillimin e shtetit.
“Në 21 vjetorin e rënies së tij, përkujtojmë Nazmi Ukësmajlin, dëshmorin e parë të Zonës Operative të Nerodimes duke e përjetësuar sakrificën e tij me shtatoren në Ferizaj. Luftëtarëve dhe bashkëluftëtarëve të Nazmiut, ju uroj Ditën e Veteranit. Kujtimi për dëshmorët që sakrifikuan për ditët që po i jetojmë së bashku, është motivim për punë e angazhim në zhvillimin e shtetit. Lavdi e përjetshme Dëshmorëve”, ka shkruar Haradinaj në llogarinë e vet në “Facebook”.