Shkolla e Mesme Profesionale për Teknologji dhe Agrobiznes “Zenel Hajdini” prej sot është bërë edhe me Qendër të Karrierës falë një donacioni nga Agjencia Zvicerane përmes projektit EYE.
Me këtë rast, janë bërë investime kabinetike dhe janë trajnuar mësimdhënësit në mënyrë që nxënësit ta kenë sa më të lehtë orientimin e tyre profesional. Të pranishëm në këtë ceremoni ishin nënkrytari i Komunës, Naim Ferati, zëvendësministrat Mustafa Grainca dhe Azem Guri, drejtori i Arsimit, Afrim Llabjani, Rektori i UShAF, Agron Bajraktari si dhe drejtues të tjerë të arsimit dhe përfaqësues të institucioneve të ndryshme në Ferizaj e më gjerë.