Deputeti i Vetëvendosjes me emrin Haki dhe mbiemrin Abazi ka dalë me një qëndrim të fortë kundër ngrohjes globale, që po merr vëmendje gjithnjë e më të shtuar ndërkombëtare.
Në statusin e ri, z. Abazi ka pasur plot 19 porosi për popullin e Kosovës, prej të cilave shtatë sosh fillojnë me fjalën “stop” [shq. ndal].
Ndër këto porosi, disa janë me të vërtetë të drejta dhe edhe Periskopi kërkon që të ndiqen nga lexuesit e saj: Stop degradimin e mjedisit, stop djegien e arave, stop eksploatimit të paqëndrueshëm të minerareve, stop djegies së materialeve fosile, mbjellë drunj etj.”
Po ashtu, Abazi ka kërkuar që populli t’i bëj shtëpitë me energji solare, derisa po ashtu ka kërkuar prej tyre që t’i izolojnë ato dhe të mos nxehen me rrymë apo me drunj, përcjell Periskopi.
Kujtojmë që së fundi ministresha Artane Rizvanolli u ka bërë thirrje anëtarëve të popullit që të evitojnë ngrohjen me rrymë për shkak të krizës energjetike.
Statusi i plotë dhe i paedituar:
Ndryshimet klimatike jane me pasoja serioze për jetën e secilit sot, për çdo gjallesë dhe rrezik me pasoja katastrofale për gjeneratat e ardhshme, andaj:
STOP degradimin e mjedisit
STOP djegëjes së materialeve fosile
STOP exploatimit të paqëndrueshëm të mineraleve
STOP koncepteve konsumuese të panevojshme
STOP transportit që ndotë mjedisin
STOP djegëjen e arave
STOP djegëjen e gomave të vjetra
Mbjellë drunjë
Mbrojë lumenjët
Mbrojë pyjet
Kërko transport publik
Kurse ujin
Zvogloje përdorimin e plastikës
Izoloje shtëpinë
Izoloje shkollën
Izoloje spitalin
Izoloje ndërtesën e komunës
Izoloje qerdhën
Bëje shtëpinë me solar