Një sasi shumë e madhe eksplozivësh është hasur dje në Kaçanik nga një person gjersa ishte duke punuar në pronën e tij.
Policia e Kosovës ka dhënë detaje lidhur me rastin teksa kanë bërë të ditur se ankuesi ka informuar se gjatë punimeve në pronën e tij kishte hasur në këto mjete, shkruan lajmi.net.
Njësia e për deminim e PK-së ka dalë në vendin e ngjarjes dhe ka bërë tërheqjen e njëzet e pesë (25) granata dore, njëmbëdhjetë (11) mina anti-këmbësorike, tre (3) detonator dhe një (1) ndezës hundor për mortajë të dorës.
Ndërsa njësia për deminim e FSK-së ka dalë në një lokacion tjetër ku dyshohet se ka edhe disa mjetet të dyshuar eksploduese dhe kanë filluar gërmimin.