Në degën e Partisë Demokratike të Kosovës (PDK) në Ferizaj sot ka aderuar gjeneral Imri Ilazi së bashku me një grup bashkëmendimtarësh.Mirëseardhje i kanë dëshiruar drejtuesit e degës, por edhe zyrtarë të lartë të këtij subjekti.
Imri Ilazi dhe një grup i bashkëmendimtarëve të tij që nga sot janë pjesë e Partisë Demokratike të Kosovës dega në Ferizaj.
Aderimi i tij dhe grupit u bë në prani të drejtuesve të lartë të këtij subjekti, të cilët edhe e vlerësuan lartë rolin e tij në të gjitha proceset që ka kaluar vendi.
Fillimisht mirëseardhje i ka dëshiruar kryetari i degës së PDK-së, Agim Aliu.
Aliu veç tjerash ka thënë se PDK-ja me këto aderime do të ketë një fuqizim më të madh,një shtim të fuqisë së partisë. Madje ka shtuar se që nga sot është një moment i ri në rrugëtimin e përbashkët drejt fitoreve.
Në anën tjetër këtë mikpritje e ka vlerësuar gjeneral Ilazi duke thënë se alternativa më e mirë për të dhe shokët e tij ka qenë PDK-ja, ngase me këtë subjekt i lidhë e kaluara e përbashkët.
Edhe Bajrush Xhemajli, nënkryetar i PDK-së , i ka dëshiruar mirëseardhje këtij grupi duke thënë se është një ditë e shënuar për këtë subjekt sepse ardhja e Imri ilazit me shokë, tregon stabilitet, tregon se PDK-ja ka hapësirë për të gjithë ata që duan të vijnë.
Gjeneral Imri Ilazi ka kaluar nëpër të gjitha ato faza nëpër të cilat ka kaluar populli i Kosovës ka thënë deputeti i kuvendit të Kosovës nga subjekt Ilmi Reçica. Sipas tij, ai është një njeri me virtyte të veçanta, me një të kaluare që ofron shumë për këtë subjekt.
Ndryshe, bëhet e ditur se gjeneral Ilazi dhe gupi i tij që dy vite nuk kanë qenë të angazhuar politikisht në asnjë subjekt politik.Në zgjedhjet e fundit nacionale ka qenë drejtues i degës së Nismës për Kosovën dhe kandidat i këtij subjekti për Kuvendi e Kosovës.
Gjatë luftës ka qenë zv/komandant i ZO të Nerodimës, ndërsa pas luftës ka qenë drejtues i lartë i Trupave Mbrojtëse të Kosovës, ndërsa vite më parë është pensionuar nga Forca e Sigurisë së Kosovës dhe e mbanë gradën e gjeneralit.
Këta janë emrat e atyre që aderuan sot në PDK-dega në Ferizaj