Është ndër të paktë burime të këtij lloji, me ujë të pijshëm, në kryeqytet.
E zakonisht, të tilla burime kanë edhe kanalin rrjedhës të ujit.
Gjendja në të cilën është lënë kroi në “Parkun e Taukbahçes”, është për keqardhje.
Pjesa e kanalit të këtij kroi, mbi sipërfaqen e tokës, i mbuluar nga barishtet e mbeturinat nuk i ngjan kanalit.
Banorët që dalin të shëtisin në këtë park ankohen, duke thënë se kanali i kroit nuk është pastruar kurrë, raporton “038” i KTV-së.
Ndërsa, në komunë pohojnë se kanali nuk është pastruar ende shkaku i angazhimeve të mëdha dhe kushteve jo të përshtatshme klimatike.
Habib Qorri nga Zyra e Shërbimeve Publike në Komunën e Prishtinës, pa dhënë ndonjë datë të saktë, ka thënë se shumë shpejt do të intervenohet në pastrimin e këtij kanali.
[youtube https://www.youtube.com/watch?v=VUjBgrPjDiU&w=100&h=315]