Lagjja Shabani në fshatin Gaçkë së shpejti do t’i gëzohet asfaltimit të rrugës kryesore të kësaj ane e cila deri më tani ka qenë në gjendje shumë të vështirë. Po ashtu edhe një rrugë e re gjysmë kilometërshë në fshatin Bibaj së shpejti do të bëhet me asfalt dhe me trotuare standarde investime , këto që po kryhen nga buxheti i komunës së Ferizajt në vlerë gati 100 mijë euro në të dyja projektet.
Kryetari i komunës së Ferizajt, Muharrem Svarqa i cili pa sot nga afër punimet në këto dy projekte pohon se në këtë mënyrë po kompletohet infrastruktura e nevojshme edhe në shumë lokalitete periferike.