Solidariteti i ndërmarrësve të sektorit privat, por edhe institucioneve për të lehtësuar menaxhimin e pandemisë, është mbresëlënës në Ferizaj. Janë Forcat e Armatosura të Kosovës, që dje dhuruan një kontigjent prej 10,000 maskash mbrojtëse që do të shpërndahen në shkollat e Ferizajt, që do të përdoren për mbrojtjen nga virusi COVID-19.
Pranimin e donacionit e bëri Bashkim Bytyqi, zyrtar në Drejtorinë e Arsimit, me ç’rast shprehu falënderimin në emër të Komunës së Ferizajt për këtë donacion.