Ditën e ngjarjes nuk ka qenë në Tiranë. Të birin e gjeti të pajetë në morgun e QSUT-së. Deri më tani, nuk di asgjë nga rrethanat se si është vrarë djali i tij, por ka besim se organet e Drejtësisë do ta zbardhin ngjarjen shkruan Panorama. Gega nuk kishte dashur që djali i tij të punonte në Sharrë, por kishte qenë këmbëngulja e të birit që e kishte bindur.
“Donte të blinte me paratë e veta rrobat e shkollës”, është shprehur ai.
Ardit Gjoklaj u gjet i pajetë në plehrat e Sharrës, në landfill, kishte gati një muaj që kishte filluar punë në sektorin e seleksionimit në Sharrë. 17-vjeçari u gjet me dëmtime të shumta në të gjithë trupin, ndërsa dyshohet se ka qenë traktori që punon në atë zonë të landfillit që i ka marrë jetën djalit.
.