Portugezi kohë pas kohë gjatë ndeshjes me Sociedadin, ishte cak i fishkëllimave të tifozëve, të cilët ishin shumë të pakënaqur pas eliminimit te Realit nga Kupa e Mbretit në mesjavë.
Rreth fishkëllimave ndaj Ronaldos, ka folur Zidane në konferencë për shtyp, pas fitores 3:0 ndaj Sociedadit.
“Të flas seriozisht nuk e kam parë çfarë ka ndodhur. Mund të ju përgjigjem juve me një buzëqeshje. Nuk mendoj se ata kanë fishkëllyer. Ne sot duhet të falënderojmë publikun për mbështetjen. Ndonjëherë mund të ketë edhe fishkëllima, por ne gjithmonë duhet të jemi mirënjohës ndaj tyre. Në këtë mënyrë ne arritëm një fitore të bukur”, ka deklaruar Zidane, përcjell lajmi.net.