Komuna e Ferizajt ka filluar sot punimet në rregullimin e sheshit në rrugën kryesore të qytetit “Dëshmorët e Kombit”.
Shkaku i punimeve në ndërtimin e sheshit “Adem Jashari” afër objektit të Komunës së Ferizajt, është mbyllur rruga kryesore e qytetit “Dëshmorët e kombit”, “Shkëlzen Haradinaj” dhe “Ismail Qemali”.
Ndërkohë zyrtarët komunalë të Ferizajt kanë thënë se vozitësit duhet t’i shfrytëzojnë rrugët alternative derisa punimet e sheshit të finalizohen brenda 140 ditësh.
Përveç bllokimit të këtyre 3 rrugëve i është ndërruar kahja e qarkullimit edhe rrugës “Wesley Clark”.
Hajrush Leka, inspektor i komunikacionit në Komunën e Ferizajt, ka thënë se qytetarët duhet ta shfrytëzojnë rrugën “Hamëz Jashari” dhe disa rrugica të tjera si rrugë alternative.