Paraditen e sotme, Kryetari i Komunës së Ferizajt, bashkë me drejtorin e Bujqësisë dhe Pylltarisë, Burim Bajrami, dolën në vizitë tek fermeri Arsim Sahiti në Pojatë, në nisje të fushatës së korrje-shirjeve.
Kryetari Aliu përgëzoi fermerin Sahiti, e përmes tij edhe fermerët tjerë për punën e palodhshme, veprimtarinë e tyre fisnike duke uruar rendiment të lartë e të begatë në këtë fushatë të korrje-shirjeve.
Në anën tjetër, më në detaje njoftoi drejtori Burim Bajrami i cili tha se në territorin e Ferizajt janë të mbjellura rreth 4000 hektarë me grurë, gjersa rendimenti i sivjetëm pritet të sillet rreth 4500 kilogram për hektarë.