Ferizaj.04.10.2018. Po vazhdojnë investime në infrastrukturë në Komunën e Ferizajt. Drejtori i Infrastrukturës, Arbër Bytyqi tha se ditët e fundit po realizohen shumë projekte të Komunës së Ferizajt në Infrastrukturë.
“Po punohet në gjithë territorin e Ferizajt që infrastruktura të përmirësohet dhe të lehtësohet jeta e qytetarëve”, tha ai në një lidhje direkte sot në emisionin e mëngjesit “Mirëmëngjesi Kosovë”, në Radio Televizionin e Kosovës (RTK).
Bytyqi bëri me dije se po vazhdon edhe projekti i bashkimit të qytetit.
“Punimet në teren kanë filluar dhe ky është njëri ndër projektet më të mëdha të qeverisjes komunale”, tha ai.