Ferizaj: Shpërndahen 250 komposterë për grumbullim mbetjeve organike

Për herë të parë në Ferizaj, shpërndahen 250 komposterë për grumbullim mbetjeve organike për t’u shndërruar në pleh organik

Fokusi i qeverisjes lokale në kujdesin ndaj mjedisit, po dëshmohet jo vetëm me mbjelljen e mijëra drunjve deri më tani, mirëmbajtjen e tyre por edhe me projekte tjera që përveç mbrojtjes së mjedisit, sjellin edhe përfitime tjera.

Është projekti për shpërndarjen e 250 komposterëve në shtëpi banimi/lagje që shndërron mbetjet organike, gjethet, barin dhe mbeturina tjera në pleh organik, me përfitim direkt për tokën.

Për të përuruar këtë projekt, por edhe krijimin e 4 pikave model të tipit të mbyllur për grumbullimin e mbeturinave në qytet, doli i pari i Ferizajt, Agim Aliu bashkë me drejtorin e Shërbimeve Publike dhe Emergjencë, Arben Halili. Ata panë nga afër këto mekanizma, pajisje që i japin shkallë të re mirëmbajtje, mjedisit në Ferizaj.

Ky projekt, për shpërndarjen e 250 komposterëve është projekt unik e për herë të parë në Ferizaj, zhvilluar nga Drejtoria e Shërbimeve Publike dhe Emergjencë në Ferizaj.

Ferizaj

Ferizaj: Shpërndahen 250 komposterë për grumbullim mbetjeve organike

By FerizajPress

October 16, 2020