Komiteti Olimpik i Kosovës në bashkëpunim me Komunën e Ferizajt për herë të parë në Ferizaj, kanë shënuar Ditën Olimpike në Ferizaj. Pjesëmarrës të kësaj miniolimpiade ishin fëmijët e lindur në vitin 2008 të cilët u tha se janë fëmijët, gjenerata e Pavarësisë së Kosovës meqë kanë lindur në vitin e pavarësisë.
Me këtë rast, nënkryetari i Komunës së Ferizajt, Naim Ferati, si dhe përfaqësues nga Komiteti Olimpik i Kosovës ka uruar të gjithë pjesëmarrësit duke ua kujtuar se kjo ngjarje sportive do të mbetet e rëndësishme edhe për shkak të karakterit historik dhe si aktivitet unik.
Në Ditën Olimplike në Ferizaj, morën pjesë mbi 200 fëmijë të të gjitha shkollave fillore të qytetit ndërsa u dhanë 20 medalje për 10 më të mirët. Aktiviteti u tha se do të jetë tradicional dhe këta fëmijë do të garojnë në vrapim edhe në vitet e ardhshme.