Ferizaj.21.09.2018. Në një vizitë që i ka bërë Ferizajt kryetari i Odës së Afaristëve të Kosovës, Skender Krasniqi, ka cilësuar komunën e Ferizajt një ndër komunat më të suksesshme në fushën e ofrimit të përkrahjes për biznese. Krasniqi me këtë rast ka falënderuar kryetarin Aliu për këtë qasje Institucionale.
“Sot, së bashku me Kryetarin e Komunës z. Agim Aliu, dhe shefin e kabinetit të kryetarit z. Selim Marevci, takuam kryetarin e Odës Afariste të Kosovës z. Skender Krasniqi, ku temë diskutimi ishte, rritja e përkrahjes institucionale për biznese, eliminimi i pengesave në sferën e të bërit biznes, përmirësimi i infrastrukturës ligjore etj. Komuna e Ferizajt, edhe nga përfaqësuesi i OAK-së, u cilësua si njëra ndër komunat më të suksesshme në fushën e ofrimit të përkrahjes për biznese, duke falënderuar në këtë rast Kryetarin Aliu, për këtë qasje institucionale.Së bashku u zotuam në vazhdimin dhe rritjen angazhimeve institucionale, për krijimin e klimës sa më të favorshme e të bërit biznes” ka thënë zëvendës Ministri Mustafa Grainca.