Presidenti i Turqisë, Recep Tayyip Erdogan, ka dënuar fuqishëm sulmet në Aeroportin Ndërkombëtar të Stambollit.
Aeroporti Ataturk ishte cak i tre sulmeve të martën në mbrëmje, ku mbetën të vdekur së paku 28 persona dhe u lënduan 60 të tjerë.
Pas sulmeve, presidenti Erdogan kishte mbajtur një takim me kryeministrin turk dhe kreun e Ushtrisë.
Erdogani ka thënë se sulmet në Stamboll kishin cak ta sulmonin Turqinë duke përdorur gjakun e njerëzve të pafajshëm. Ai ka thënë se pret që bota të shprehë qëndrimin e prerë kundër grupeve terroriste.
Ai ka thënë se sulmet terroriste nuk dallojnë, qoftë nëse kanë ndodhur në Stamboll, Londër, Izmir apo Chicago.