Kryetarit aktual të Ferizajt, Muharrem Svarqës, tash sërish kandidat i LDK-së për kryetar, i cili do të matet me Agim Aliun në balotazh, i janë kthyer kundër edhe miqtë e tij. Madje, jo vetëm që nuk po i besojnë, por edhe po e quajnë gënjeshtar.
Para disa ditësh edhe ish-miku i Svarqës, shkrimtari Faruk Tasholli, e ka quajtur atë gënjeshtar, duke tërhequr paralele me logjikën serbe për gënjeshtrën dhe Dobrica Qosiqin.
DISA BALOTAZHISTË MA KUJTOJNË DOBRICA QOSIQIN
Disa kandidatë për kryetarë komunash në blotazh, sidomos ata që kanë më pak vota se kundërshtarët e vet, me qëndrimet e tyre, me fjalët e tyre, ma kujtojnë një thënie të „babit të popullit serb“ Dobrica Qosiq:
„Rrena është virtyti më i mirë i popullit serb. Ne rrejmë ta mashtrojmë veten, t’i inkurajojmë të tjerët,ne rrejmë për falje,ne rrejmë se kemi mbisunduar frikën, rrejmë që ta fshehim mjerimin tonë.Rrena është formë e patriotizmit tonë dhe vërtetim i intelegjencës sonë. Ne rrejmë me inkurajim dhe me kreativitet…”, ka shkruar Tasholli./Lajmi.net
Artikulli origjinal: http://lajmi.net/edhe-miqte-e-braktisin-muharrem-svarqen-ne-ferizaj-e-quajne-genjeshtar/