Dardan Rrustemi hyri në oborrin e shtëpisë së familjes Halimi për ta kthyer në shtëpi motrën e tij Meritën, por nuk ia doli.
Sipas zonjës së shtëpisë Vjollca Halimi, 16 vjeçari erdhi këtu në rrugën ‘Agim Kelmendi” në kryeqytet, të hënën në mesditë të marrë motrën e tij, Meritën 15 vjeçe, e cila një natë më parë kishte ardhur këtu tek i dashuri i saj, pa njoftuar familjen.
Ai nuk arriti ta marrë motrën e tij, pasi familja Halimi njoftuan policinë. E policia i mori të gjithë në intervistë e më pas i liroi.
E gjithë mosmarrëveshja mes familjeve filloi kur Merita Rrustemi u pa me të dashurin e saj 20 vjeçar, nga vëllai, i cili i ndaloi të takohet me Getuar Halimin.
Por, kjo nuk e ndërpreu lidhjen.
Familjarët e Merita Rrustemit nga Kolovica nuk po duan që vajza e tyre të vazhdojë lidhjen me të dashurin e saj për shkak të kushteve të rënda ekonomike dhe për shkak të moshës së saj.
E i gatshëm ta marrë vajzën është shprehur Getuari.
Por vëllau i Merites i tha Klan Kosovës se asnjëherë nuk do lejojë të ndodhë një gjë e tillë.
[youtube https://www.youtube.com/watch?v=mLa3rgAu8vU&w=100&h=360]