Një aksident trafiku me fatalitet ka ndodhur sot në fshatin Jezerc të Ferizajt, ku një person ka humbur jetën pasi u vetaksidentua me kamion te vendi i quajtur “Reka e Vogël”.
Mësohet se personi që humbi jetën nga ky aksident është Rizah Hasani.
Sipas Policisë, shoferi i kamionit kishte humbur kontrollin dhe për pasojë ishte rrokullisur disa metra poshtë rrugës.
Vdekjen e tij e ka konstatuar ekipi mjekësor në Emergjencën e Spitalit të Ferizajt.
Zëdhënës polici për rajonin e Ferizajit, Kanun Veseli, bëri të ditur se në aksident ku është përfshirë një kamion transportues, si pasojë ka humbur jetën shoferi.
“Më 11.07.2024 rreth ores 13:30 kemi pranuar një informatë se në fshatin Jezerc të Ferizajt, tek vendi i quajtuar ” Reka e Vogël ” është një aksident ku është përfshirë një kamion trasportues.
Ekipe të policisë, njësitet e rendit dhe hetuesit policorë të aksidenteve të Njësisë së Konunikacionit Rrugor kanë dalë në vendin e ngjarjes, të cilët kanë mësuar se si pasojë e këtij aksidenti ka humbur jetën shoferi i kamionit, shqiptar, kosovar i moshës madhore, vdekja e të cilit është konstatuar në vendin e ngjarjes nga mjekët të Emergjencës së Ferizajt.
Nga hetimet e para dyshohet se kamioni ka qenë në lëvizje nga Ferizaj në drejtim të fshatit Jezercë dhe me të arritur tek vendi i quajtur ” Reka e vogël” në rrethana ende të panjohura, shofero ka humbur kontrollin mbi kamionin dhe është rrukollisur poshtë rrugës disa metra.
Për të gjitha veprimet policore është njoftuar prokurori i shtetit”, ka thënë Vesel