Duka ka theksuar që kjo ndeshje është e veçantë, derisa edhe prodhuesi i fanellave është kompani italiane, përcjellë “lajmi.net”.
“Çdo ndeshje është e rëndësishme në eliminatoret e një kompeticioni europian apo botëror, çdo ditë është e rëndësishme, çdo minutë e lojës është e rëndësishme. Edhe kjo është një ndeshje shumë e rëndësishme, fakti që luajmë në Itali, fakt që ka shumë specifika si ndeshje me Italinë, përveç futbollit, por edhe që prodhuesi apo sponsori i kombëtares është kompani italiane, e bën edhe më të rëndësishëm për vazhdimin prezantimin e fanellës së re në ndeshjen në Palermo”, deklaroi Duka.
Ai theksoi në fund që pret që ndeshja ndaj Italisë, të jetë kthesa e madhe për Shqipërinë.